Anjani Sazish

Sazish yeh sarasar begani si lagti hai
Tumhari khamoshi ab anjani si lagti hai

Laila, majnoon mit gaye issi aah mein
Ashiq aur bohat guzray issi raah mein

Mera hona, na hona, shayad ek sa hai
Duniya ka badalna, na badalna ek sa hai

Tumhari soch ka andaza laga sakti nahin
badalna chahon bhi to kuch badal sakti nahin

Tumhari berukhi wabal-e-jaan na ban jaye
Meri kahani bhi yun bemisaal na ban jaye

Mujhe guzri hui tareekh ka hissa nahin banna
Ek qaghazi tehreer jaisa qissa nahin banna

Ajab kashmakash se dochar hoon mein
Anhoni kaifiat se kuch bezar hoon mein

Koi batadey mujhe, anjaam iss fasanay ka
Kab badley ga, nizaam iss zamanay ka...